astrology dinamani
நவம்பர் மாத எண்கணித பலன்கள் – 7
2019/05/09

7, 16, 25 ஆகிய தேதிகளில் பிறந்தவர்களுக்கு

குழப்பத்தில் இருந்தாலும் தெளிவான முடிவெடுக்கும் ஏழாம் எண் அன்பர்களே இந்த மாதம் எந்த ஒரு காரியத்திலும் சரியான முடிவுக்கு வர முடியாமல் இருந்த தடுமாற்றம் நீங்கும். சாமர்த்தியமாக எதையும் சமாளிக்கும் துணிச்சல் வரும். பணவரத்து திருப்தி தரும்.

எதிர்ப்புகள் குறையும். தொழில் வியாபாரத்தில் இருந்த போட்டிகள் குறையும். புதிய ஆர்டர்கள் பெறுவதில் தடுமாற்றம் உண்டாகும். உத்தியோகத்தில் இருப்பவர்கள் டென்ஷனுடன் காணப்படுவார்கள்.  நீண்ட நாட்களாக இருந்து வந்த மனக்கிலேசங்களில் தெளிவான நிலை ஏற்படும்.

குடும்பத்தில் இருப்பவர்களின் செய்கைகள்  உங்களது கோபத்தை தூண்டுவதாக இருக்கும். நண்பர்கள் உறவினர்களிடம் சிறு மனத்தாங்கல்கள் வரலாம். பெண்களுக்கு  எந்த இக்கட்டான சூழ்நிலையையும் மனஉறுதியுடன் சமாளித்து வெற்றி காண்பீர்கள்.

கலைத்துறையினருக்கு எந்த ஒரு முடிவையும் கலந்தாலோசிக்காமல் எடுக்காதீர்கள். தடைபட்ட வாய்ப்புகள் கூடிவரும். அரசியல்துறையினர் கனிவாகப் பேசுங்கள். முடிந்த வரை கடன் தருவதை தவிர்க்கப் பாருங்கள். மாணவர்களுக்கு கல்வி பற்றிய கவலை ஏற்படும். டென்ஷனை குறைத்து பாடங்களில் கவனம் செலுத்தி படிப்பது நல்லது.

பரிகாரம்: ஆஞ்சநேயரை வணங்குவதன் மூலம் அனைத்து காரியங்களும் தங்கு தடையின்றி நடைபெறும்.

Previous Post
Next Post