astrology dinamani
ஆகஸ்ட் மாத எண்கணித பலன்கள் ​- 5
2019/05/09

5, 14, 23 ஆகிய தேதிகளில் பிறந்தவர்களுக்கு

 

புத்திகூர்மையுடன் நடந்து கொள்ளும் ஐந்தாம் எண் அன்பர்களே இந்த மாதம் நெருக்கடியான நேரத்தில் உறவினர்கள், நண்பர்கள் உங்களுக்கு கை கொடுப்பார்கள். மனதில்  இருந்து வந்த சஞ்சல மனநிலையில் மாற்றம் இருக்கும். தருமசிந்தனை உண்டாகும். பணநெருக்கடி குறையும். எதிர்பார்த்த உதவிகள் கிடைக்கும்.

தொழில் வியாபாரம் சீராக நடக்கும். பழைய பாக்கிகள் வசூல் செய்வதில் வேகம் இருக்கும். புதிய ஆர்டர்கள் கிடைப்பதில் ஏற்பட்ட சிக்கல்கள் தீரும் உத்தியோகத்தில்  இருப்பவர்களுக்கு எதிர்பார்த்த பதவி உயர்வு கிடைக்கலாம். குடும்பத்தில் இருந்த பிரச்சனைகள் தீரும்.

பெண்களுக்கு நெருக்கடியான நேரத்தில் எதிர்பார்த்த உதவி கிடைப்பதில் தாமதம் ஏற்படும். கலைத்துறையினருக்கு கடுமையான வேலைப்பளு ஏற்படும். நேரம் தவறி சாப்பிட  வேண்டாம். அரசியல்துறையினருக்கு வீண் விவாதங்கள் ஏற்படலாம். கையிருப்புகள் கரையும். கடன் வாங்க நேரிடும்.

மாணவர்களுக்கு பாடங்களை படிப்பதில் ஆர்வம் காட்டுவீர்கள். சக மாணவர்களின் ஒத்துழைப்பு மனதிருப்தியை தரும்.

பரிகாரம்:  பெருமாளை வணங்கி வர பாவங்கள் நீங்கும். வாழ்க்கையில் முன்னேற்றம் காணப்படும்.

Next Post