astrology dinamani
ஜனவரி மாத எண்கணித பலன்கள் – 1
2020/01/02

1, 10, 19, 28 ஆகிய தேதிகளில் பிறந்தவர்களுக்கு

எவ்வளவு சோர்வான நிலையிலும் அதை பொருட்படுத்தாமல் அந்நிலையிலிருந்து வெளியே வரும் மணவலிமைக் கொண்ட ஒன்றாம் எண் அன்பர்களே இந்த மாதம் பணவரத்து அதிகமாகி பொருளாதாரம் ஓங்கும்.

முயற்சிகள் சாதகமான பலன் தரும். சுதந்திர எண்ணம் உண்டாகும். சின்ன சின்ன விஷயங்களில் கூட மனநிறைவு ஏற்படும். தொழில் வியாபாரத்தில் ஈடுபட்டு இருப்பவர்கள் தங்கள் வியாபாரம் தொடர்பாக பயணம் செல்ல நேரிடலாம்.

உத்தியோகத்தில் இருப்பவர்களுக்கு முன்னேற்றம் உண்டாகும். பணவரத்தும் திருப்தி தரும். மேலிடம் உங்களிடம் நல்ல அணுகுமுறையை நீட்டிக்கும். குடும்பத்தில் மகிழ்ச்சியான சூழ்நிலை காணப்படும். வீட்டில் சுபகாரியங்கள் நடக்கும். உடல் ஆரோக்கியம் பெறும். பெண்களுக்கு பிரச்சனைகள் அகலும்.

கலைத்துறையினருக்கு தேவையான பொருள்களை வாங்குவீர்கள். அரசியல்துறையினருக்கு வீண் மனஸ்தாபம் ஏற்பட்டு நீங்கும். மாணவர்களுக்கு கல்வியில் முன்னேற்றம் காணப்படும்.

பரிகாரம்: நரசிம்மருக்கு தீபம் ஏற்றி அர்ச்சனை செய்து வணங்க எதிர்ப்புகள் விலகும். எல்லா நலன்களும் உண்டாகும்.

Previous Post