சனிப் பெயர்ச்சி பலன்கள் : மீனம்

மீனம்

meenamமீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)

சனி பகவான் உங்களின் அஷ்டம ராசியான எட்டாம் ராசியிலிருந்து பாக்கிய ஸ்தானமான ஒன்பதாம் ராசிக்குப் பெயர்ச்சி ஆகிறார்.

2015 ஆம் ஆண்டு ஜூலை மாதம் வரையில் உள்ள காலகட்டத்தில் உழைப்பையும் ஓய்வையும் சரியாகச் செய்வீர்கள். சமூகத்தில் உங்கள் பெயர், புகழ் கூடத்தொடங்கும். போட்டி, பொறாமைகளை சாதுர்யமாகச் சமாளிப்பீர்கள். வழக்குகளும் நீதிமன்றங்களுக்கு வெளியில் சமாதானமாக முடிவடையும். சிலருக்கு பழைய வீடு விற்பனையாகும். உங்களின் ஆன்மிகச் சிந்தனைகள் வளரும். மனதிற்கினிய பயணங்களையும் மேற்கொள்வீர்கள். உங்களின் மனக்குழப்பங்கள் வெளியில் தெரியாமல் காரியமாற்றுவீர்கள். அதோடு செய்தொழிலில் செய்யப்போகும் மாற்றங்கள் குறித்து கூட்டாளிகளிடம் விவாதித்து பின்பு முடுவெடுப்பீர்கள். வங்கிகளிடமிருந்து கடன்கள் கிடைக்கும். மற்றபடி நீங்கள் சார்ந்துள்ள துறைகளில் சாதனைகள் செய்யும் காலகட்டமாக இது அமைகிறது.

2016 ஆம் ஆண்டு ஜூலை மாதம் வரையில் உள்ள காலகட்டத்தில் உங்களின் தன்னம்பிக்கை படிப்படியாகக் கூடும். வருமானம் இரட்டிப்பாகும். உங்களுக்குக் கீழ் வேலை செய்பவர்கள் சில சிக்கல்களை உண்டாக்கினாலும் அவைகள் உங்களை பாதிக்காது. மனதில் ஊக்கத்தைக் கூட்டிக்கொண்டு பணியாற்றுவீர்கள். உடல்நலனையும் கவனமாக பார்த்துக் கொள்வீர்கள். உங்கள் செயல்கள் திட்டமிட்டபடி நடக்க அனைத்து முயற்சிகளையும் எடுப்பீர்கள். இல்லத்தின் தேவைகள் ஓவ்வொன்றாகப் பூர்த்தியாகும். வீட்டிலும் வெளியிலும் உங்கள் செல்வாக்கு அதிகரிக்கும். உற்றார் உறவினர்கள் உங்கள் தயவை நாடி வருவார்கள். புதிய பொறுப்புகளை எதிர்பார்த்துக் கொண்டு இருப்பவர்களுக்கு நல்ல தகவல்கள் வந்து சேரும் காலகட்டமாக இது அமைகிறது.

2017 ஆம் ஆண்டு அக்டோபர் மாதம் வரையில் உள்ள காலகட்டத்தில் செய்தொழில் ரீதியாக அடிக்கடி பயணங்களைச் செய்ய நேரிடும். உடலுழைப்பிற்கு முக்கியத்துவம் கொடுப்பீர்கள். குடும்பத்தில் உற்றார் உறவினர்களின் வருகை அதிகரிக்கும். அனைவரிடமும் சுமுகமாக பேசிப் பழகுவது நல்லது. உங்களுக்கென்று ஒரு பாதையை வகுத்துக் கொள்வீர்கள். உங்களின் பேச்சாற்றலால் அனைவரையும் கவருவீர்கள். அதேநேரம் அடுத்தவர்கள் விஷயத்தில் அறிவுரை கூற வேண்டாம். மற்றபடி புனித யாத்திரைகளை இந்த காலகட்டத்தில் மேற்கொள்வீர்கள்.

உத்தியோகஸ்தர்கள் அனைத்து வேலைகளையும் திருப்திகரமாக முடிப்பீர்கள். மேலும் கொடுத்த வேலைகளை நிதானமாகச் செய்யவும். உங்களின் உழைப்பு வீண்போகாது. சிலருக்கு நிம்மதி தரும் இடமாற்றங்களும் கிடைக்கும். சக ஊழியர்களின் அன்பும் ஆதரவும் இருப்பதால் எடுத்த காரியங்கள் அனைத்தும் பிரச்னையின்றி நிறைவேறும். மேலதிகாரிகளும் சலுகைகளைப் பெற்று கோரிக்கைகளை நிறைவேற்றிக் கொள்வார்கள்.

வியாபாரிகள் வளர்ச்சி காண்பார்கள். தொடர்ந்து வந்த தடைகள் நீங்கி வெற்றிகள் கூடும். அனைவரும் உங்களிடம் நட்பு பாராட்டுவார்கள். கூட்டு முயற்சிகள் பலன் தரும். புதிய வியாபாரம், புதிய சந்தை போன்றவற்றை நாடும் எண்ணங்கள் மேலோங்கும். மற்றபடி கொடுக்கல்வாங்கல் விஷயங்கள் லாபகரமாக இருக்கும். கூட்டாளிகளை அரவணைத்துச் செல்லுங்கள்.

விவசாயிகள் தங்கள் கடமைகளைச் சரிவர ஆற்றுவார்கள். கையிருப்பு பொருள்கள் மீது அக்கறை செலுத்துவார்கள். போட்டிக்குத் தகுந்தாற்போல் செயல்பட்டு விளைபொருள்களின் விற்பனையை லாபகரமாக முடிப்பார்கள். நீர்பாசன வசதிகளுக்காக நீங்கள் எடுக்கும் முயற்சிகள் அனைத்தும் பலன்தரும். புதிய கால்நடைகளை வாங்குவீர்கள். இருப்பினும் கால்நடைகளை பேணுவதில் அக்கறை செலுத்துவது மேலும் லாபத்தை கொடுக்கும்.

அரசியல்வாதிகளின் கனவுகள் நனவாகும். உங்கள் செயல்களுக்கு எந்த நாளும் இல்லாத அளவுக்கு புதிய அங்கீகாரம் கிடைத்து அதிர்ஷ்டசாலியாக வலம் வருவீர்கள். சமூகத்தில் அந்தஸ்தான பதவிகள் கிடைத்துச் செயலாற்றுவீர்கள். பெயர் புகழ் கூடும்.

கலைத்துறையினர் புதிய வாய்ப்புகளைப் பெறுவார்கள். உங்கள் திறமைகளை வெளிப்படுத்த சிறப்பான சந்தர்ப்பங்கள் கிடைக்கும். சக கலைஞர்கள் மத்தியில் நல்ல பெயர் எடுப்பீர்கள். அதேநேரம் பழைய ஒப்பந்தங்களில் செய்த சிறு தவறுகளைத் திருத்திக் கொண்டு விடுவீர்கள்.

பெண்மணிகள் கடமை உணர்வுடன் விளங்கி குடும்பத்தை பொறுப்புடன் நடத்திச் செல்வார்கள். திருமணம் போன்ற சுப நிகழ்ச்சிகள் நடைபெற இருந்த தடைகள் விலகும். கணவரிடம் ஒற்றுமை அதிகரிக்கும். இருப்பினும் குடும்பத்தில் சிறுசிறு பிரச்னைகள் தோன்றி மன அமைதியைக் குறைக்கும். குழந்தைகளால் திடீர் மருத்துவச் செலவுகளும் உண்டாகும். மாணவமணிகளுக்கு படிப்பில் ஆர்வம் அதிகரிக்கும். பெற்றோரின் அன்பு ஆதரவைப் பெறுவீர்கள். கல்வியில் பெரிய வளர்ச்சி அடைவதற்கான முயற்சிகளை எடுக்க வேண்டிய நேரமிது. உங்களது நண்பர்களும் உங்களுக்கு உதவுவார்கள்.

பரிகாரம்: அம்பாள் தரிசனம் உகந்தது.

Previous Post
Next Post