astro_dinamani
குருப் பெயர்ச்சி பலன்கள் 2017: விருச்சிகம்
2015/07/03

(விசாகம் 4-ம் பாதம், அனுஷம், கேட்டை)

ஜென்ம ராசியில் சனி; அவர் 3-ம் பார்வையாக மகரத்தையும், 7-ம் பார்வையாக ரிஷபத்தையும், 10-ம் பார்வையாக சிம்மத்தையும் பார்க்கின்றார். ஆக, இந்த 3 வீடுகளைக் குறிக்கின்ற காரகங்கள் தாமதப்படுத்தப்படுகின்றன. 3-ம் இடம் இளைய சகோதரத்தைக் குறிக்கிறது. இந்த ஆண்டு அக்டோபர் மாதம்வரை சனியின் பார்வை இருப்பதால், இளைய சகோதரத்துடனான உறவு திருப்திகரமாக இருக்காது. நவம்பரிலிருந்துதான் சீராகும்.

அதேபோல் திருமணமாகாதவர்களுக்கு 7-ம் ராசிக்கு சனியின் பார்வை இருப்பதால் திருமண சம்மந்தமானவை எல்லாம் தாமதமாகும். இந்த நிலை இந்த ஆண்டு நவம்பருக்குப் பிறகுதான் சரியாகும். அதேபோல், உத்தியோக வேட்டையில் இருப்போருக்கு அவர்கள் முயற்சி தாமதப்படுத்தப்படும். இந்த ஆண்டு செப்டம்பர், அக்டோபர் மாதங்களில் இந்த ராசியைச் சேர்ந்த பெண்களுக்கு ஆடை, அணிகலன் வாங்கும் வாய்ப்ப்பு உண்டாகும். அதேபோல், தை மாதம் வீடு, வாசல் யோகமும் சிலருக்கு ஆடை, அணிகலன்கள் வாங்கும் வாய்ப்பு உண்டாகும். சிலருக்கு நான்கு சக்கர வாகனம் வாங்கும் வாய்ப்பும் உண்டாகும்.

இன்ஜினீயரிங், சாப்ட்வேர் துறையில் இருப்போருக்கு மார்ச், ஏப்ரல் மாதங்கள் அனுகூலமாகக் காணப்படவில்லை. அதற்குப்பின் நிலைமை சகஜமாகிவிடும். வீடு, வாசல் வாங்க விழைவோருக்கு செப்டம்பர் மாதம், 2018 மார்ச் மாதம், ஏப்ரல் மாதம், ஜூலை, ஆகஸ்டு மாதங்கள் அனுகூலமாகத் தெரிகின்றன. அவ்போது அவர்கள் அதற்கான முயற்சியில் ஈடுபட்டால் அவர்கள் முயற்சி பலிதமாகும். வேலையில்லாமல் தேடுவோருக்கும், மாற்று வேலை தேடுவோருக்கும், இந்த ஆண்டு செப்டம்பர், டிசம்பர், ஜனவரி மாதங்கள், 2018 ஏப்ரல் மாதம், ஜூலை, ஆகஸ்டு மாதங்கள் அனுகூலமாகத் தெரிகின்றன.

இந்த ஓர் ஆண்டு முழுவதும் ராகுவானவர் பித்ருஸ்தானமான 9-ம் இடத்தில் சஞ்சாரம் செய்கிறார். இது ஒரு பிரதிகூலமான கிரக சஞ்சாரமாகும். இதற்குப் பரிகாரமாக ராகு பிரீதி செய்துகொள்வது அவசியம். கும்பகோணம் அருகிலுள்ள திருநாகேஸ்வரத்திலோ, காளஹஸ்தியிலோ மற்றும் உள்ள ராகு க்ஷேத்திரங்களிலோ சென்று பரிகாரம் செய்துகொள்வது பலனைக் கொடுக்கும்.

கல்விக்கு அதிபதி புதன். அவர் சஞ்சாரத்தை வைத்துப் பார்க்கும்போது, இந்த ஆண்டு ஐப்பசி மாதம், ஜூன், ஜூலை மாதங்கள் பிரதிகூலமாகத் தெரிகின்றன. ஆகவே, மாணவர்கள் இந்த மாதங்களில் படிப்பில் அதிக கவனம் செலுத்துமாறு அறிவுறுத்தப்படுகிறார்கள்.

Previous Post
Next Post