astro_dinamani
குருப் பெயர்ச்சி பலன்கள் 2017 : மகரம்
2015/07/03

(உத்திராடம் 2, 3, 4-ம் பாதங்கள், ஹஸ்தம், சித்திரை 1, 2-ம் பாதங்கள்)

ராசி அதிபதி சனி, ராசிக்குப் 11-ல் இன்னும் இரண்டு மாதங்கள் சஞ்சரிப்பார். அதற்குப்பின் 12-ம் வீட்டுக்கு வந்துவிடுவார். 11-ம் வீட்டில் இருக்கும்போது நண்பர்களால் அனுகூலம், உடன்பிறந்த தமையன், தமக்கையால் உதவிகள் ஆகிய நல்ல பலன்களை எதிர்பார்க்கலாம். எடுத்த காரியத்தில் வெற்றி அடைவீர்கள்.

குருப் பெயர்ச்சியைப் பார்க்கும்போது, குருவானவர் 10-ம் இடத்திற்கு வருகிறார். 10-ம் இடம் ஜீவனஸ்தானம் அல்லவா! மூன்று, பன்னிரண்டுக்குரிய குரு, ஜீவனஸ்தானம் வருவதால் உத்தியோகத்தில் இருப்போருக்கு வெளியூருக்கு மாற்றம் நிகழலாம். உத்தியோக வேட்டையில் இருப்போருக்கு வேலை கிடைக்கும்.

குருவானவர் 5-ம் பார்வையால் தனஸ்தானத்தையும், 7-ம் பார்வையால் 4-ம் வீட்டையும், 9-ம் பார்வையால் 6-ம் வீட்டையும் பார்க்கிறார். தனஸ்தானத்தைப் பார்ப்பதனால், பொருளாதாரம் நல்லபடியாக இருக்கும். பணப்புழக்கம் சரளமாக இருக்கும் 4-ம் இடத்தைப் பார்ப்பதனால், மாணவர்களுக்குக் கல்வியில் முன்னேற்றம் இருக்கும். தாயாரின் உடல்நிலையில் முன்னேற்றம் இருக்கும். வீட்டு யோகம், வாகன யோகம் சிலருக்கு இருக்கும். 6-ம் இடம் என்பது செய்கின்ற அடிமைத்தொழிலைக் குறிக்கிறது. பதவி உயர்வுக்குக் காத்திருப்போருக்குப் பதவி உயர்வும், வேலை தேடுவோருக்கு வேலை வாய்ப்பும் கிட்டும்.

6-ம் இடம் ரோகத்தைக் குறிக்கிறது அல்லவா? குரு பார்வை இருப்பதால் வியாதிகள் குணமாகும். 6-ம் இடம் கடன் தொல்லைகளையும் குறிக்கிறது அல்லவா! ஆக, குரு பார்வை 6-ம் இடத்தில் விழுவதனால் கடன்கள் அடைபெறும். ‘ஆறினை குரு பார்த்தால் அகிலத்தில் கடன்கள் தீரும்’ என்பார்கள். ஆக இந்த ஆண்டு கடன்கள் எல்லாம் அடைபடும்.

சிலர் வங்கிக் கடனுக்காக காத்திருப்பார்கள். அவர்களுக்கு வங்கிக் கடன் கிடக்கும். 10-ம் இடம் அரசியலையும் குறிக்கிறது. அரசியலில் இருப்போருக்கு இந்தப் பெயர்ச்சியால் நன்மைகள் உண்டாகும். அரசியல் செல்வாக்கு உயரும். சிலருக்குப் பதவியும் கிட்டும். குரு வக்கிரமான காலங்களில் மேலே சொன்ன பலன்கள் சற்று குறைந்தே அனுபவிக்க நேரிடும்.

Previous Post
Next Post