astro_dinamani
குருப் பெயர்ச்சி பலன்கள் 2017: மிதுனம்
2015/07/03

(மிருகசீரிஷம் 3, 4-ம் பாதங்கள், திருவாதிரை, புனர்ப்பூசம் 1, 2, 3-ம் பாதங்கள்)

ஜென்ம ராசிக்கு குருவின் பார்வை கிடைக்கிறது. குரு பார்க்கக் கோடி புண்ணியம் அல்லவா? உங்கள் கௌரவம், மரியாதை எல்லாம் உயர்ந்து நிற்கும் காலம் இது. பொதுவாக 5-ம் இடத்தில் குரு இருந்தால் உயர்ந்த பலன்களையே கொடுப்பார் என்று நமது ஜோதிட நூல்கள் கூறுகின்றன.

‘மன்னவன் ஐந்தில் வந்தால்
மங்கல நிகழ்ச்சி கூடும்;
பொன், பொருள் அதிகரிக்கும்;
பூமியால் யோகம் சேரும்;
வன்பகை மாறும்; நல்ல
வளர்ச்சியும் கூடுதலாகும்;
துன்புரும் நோயும் தீரும்;
தொல்லுலகில் புகழும் சேரும்!’

5-ல் நிற்கும் குருவால் என்னென்ன பலன்கள் என, ஜோதிட நூல்கள் மேலே கண்டவாறு கூறி இருக்கின்றன.

இந்த ஆண்டு, செப்டம்பர், அக்டோபர் மாதங்களில் சிலருக்கு உத்தியோக நிமித்தத்தின் காரணமாக வெளியூர் செல்லவேண்டி இருக்கும். குழந்தை இல்லாத தம்பதியருக்கு இநத ஆண்டு சந்தான விருத்திக்கு வழி உண்டு. டிசம்பர், ஜனவரி மற்றும், மார்ச், ஏப்ரல் மாதங்களில் மனைவியுடன் மனக்கசப்பும், வீண் சண்டையும் ஏற்படக்கூடும்.

வியாபாரத்தில் இருப்போருக்கு சனிப் பெயர்ச்சியின் காரணமாக அதில் மந்த நிலை உருவாகக்கூடும். டிசம்பர், ஜனவரி மாதங்களில் உடல்நிலையில் கவனம் தேவை. உடல்நிலை பாதிக்கக்கூடிய கிரக நிலைகள் காணப்படுகின்றன. இந்தக் காலத்தில் உங்கள் குழந்தைகள் .உடல்நிலை பாதிக்கப்படக்கூடும். மார்ச், ஏப்ரல் மாதங்களில் சிலருக்குப் பதவி உயர்வு காணப்படுகிறது.

மே, ஜூன் மாதங்களில் தோல் சம்மநதமான நோய் ஏற்படக்கூடும். இந்த ஜாதகரது உடன் பிறந்தவர்கள் தாங்களாகவே திருமணம் செய்துகொள்ளும் வாய்ப்பு உள்ளது. ஜூன், ஜூலை மாதங்களில் எதிபாராத பரிசு கிடைக்க வாய்ப்பு உண்டு. திருமணம் ஆகாதோருக்கு ஆகஸ்ட், செப்டம்பர் மாதங்களில் நிச்சயம் திருமணம் ஆகக்கூடிய வாய்ப்பு உண்டு.

Previous Post
Next Post