astro_dinamani

குருப் பெயர்ச்சி பலன்கள் – 2017

குருப் பெயர்ச்சி பலன்கள் 2017-2018

mesham rishabam mithunam katakam

simham kannithulam viruchikam

dhanusu makaram kumbam meenam

2017-க்கான குருப் பெயர்ச்சி பலன்களை ஜோதிடரத்னா சோ. சந்திரசேகரன் அவர்கள் துல்லியமாக நமக்கு கணித்து அளித்துள்ளார்.

நவகிரகங்களின் மிகவும் நற்பலன்களைக் கொடுப்பவர் குரு பகவான். இவர் வருடத்துக்கு ஒருமுறை ஒரு ராசியைக் கடந்து அடுத்த ராசிக்குச் செல்கின்றார். தற்போது, வாக்கியப் பஞ்சாங்கத்தின்படி 2017, செப்டம்பர் 2-ம் தேதி அன்று கன்னி ராசியிலிருந்து துலாம் ராசிக்குச் செல்கின்றார். திருக்கணிதப் பஞ்சாங்கத்தின்படி, செப்டம்பர் 12-ம் தேதி அன்று கன்னி ராசியிலிருந்து துலாம் ராசிக்கு குரு செல்கின்றார்.

பொதுவாக, குரு பார்த்தால் கோடி நன்மை உண்டாகும் என்பது நமது நம்பிக்கை. ஒருவருக்கு லக்கினத்துக்கோ, அல்லது லக்கினாதிபதிக்கோ, அல்லது சந்திரனுக்கோ குருபார்வை இருந்தால் அவர்களுக்கு தெய்வ அனுகூலம் கிடைக்கும். அவர்கள் செய்யும் பிரார்த்தனைகளுக்கோ அல்லது பரிகாரங்களுக்கோ பலன் கிடைக்கும்.

குரு, துலாம் ராசியில் எந்தெந்த நட்சத்திரத்தில் எவ்வளவு நாள் சஞ்சாரம் செய்கின்றார் எனப் பார்ப்போம்.

• ஆவணி 27 (செப்டம்பர் 12) முதல் சித்திரை 3-ம் பாதத்தில் சஞ்சாரம் செய்கின்றார்.

• புரட்டாசி 28-ம் தேதி (அக்டோபர் 14) சுவாதி நட்சத்திரத்துக்குச் செல்கின்றார்.

• மார்கழி 1-ம் தேதியன்று (டிசம்பர் 16) விசாகம் நட்சத்திரத்தில் இருக்கின்றார்.

• மாசி 25-ம் தேதியிலிருந்து (மார்ச் 9-ம் தேதி) வக்கிரகதியில் இருக்கின்றார்.

• ஆனி மாதம் 6-ம் தேதி (ஜூன் 20-ம் தேதி) சுவாதி நட்சத்திரத்துக்கு வக்கிரகதியில் வருகிறார்.

• ஆனி 25-ம் தேதி (ஜூலை 9-ம் தேதி) வக்கிர நிவர்த்தி ஆகிறது.

• ஆடி மாதம் 1-ம் தேதி (ஜூலை 17) விசாகம் நட்சத்திரத்துக்கு சஞ்சாரம் செய்கிறார்.

• புரட்டாசி 25-ம் தேதி (அக்டோபர் 11) விருச்சிக ராசிக்குச் செல்கிறார்.

ஜோதிடரத்னா சோ. சந்திரசேகரன் அவர்களை தொடர்புகொள்ள – 9444974148, 044 22485343